Ашикова Мерьем Къокъла

                         КЪОКЪЛА

                Ашикова Мерьем Арсен къызы

                     Октябрьское къасабасы 3-нджи умумтасиль  мектебининъ 4 сыныф талебеси.

Мен къокъла акъкъында тариф этмеге истейим. Бу элли йыллыкъ, дюльбер антерли, къувурчыкъ сачлы къокълачыкъ….Амма бираз тарихыны сизге бильдирейим.

1931 сенеси. Дуванкой Багъчасарй районы.

Зылханынъ анасы Аджире базардан болдургъан, амма эйи кейфнен кельген эди. Багъчаларында асралгъан мейвалар мувафакъиетнен сатылды. Бахшыш иле, анасы онъа кокъла кетирди. Бу къокъла, алты яшындаки Зылханынъ арзусы эди. Янъы къокъланынъ козьлери ачыла ве юмула эди. Зылханынъ бутюн къокълалары тобандан я да чувалдан эди. Бу анасынынъ бахшышы оларгъа ич те ошамай эди.

Зылха къокъланен ойнамагъа биле сакъына эди, чюнки къувурчыкъ сачларыны чекип чыкъармагъа я да антерини йыртмагъа къоркъа эди. Амма къокъланынъ янында эр вакъыт Решад къардашы булунмакъта эди. Решаднынъ эсас макъсады бу насыл олып бу къокъла озь козьлерини ача ве къапата бильмектир.

Экинджи куню Зылханынъ битасы къокъланы эвде сакъламагъа истеди, амма мердивеннинъ устюнде сурюнип, къокъланы чатлатты. Решад бу себептен пек къуванды, чюнки къокъланынъ козьлерини енгинликнен бакъып олды...

Аджире  Эдилерская 

Даирский Ислам Джелялович
Аджире Эдилерская баланен
1923 с.

Аджире  Эдилерская белли, зенгин Эдилерский къорантасында догъды. Дженк йыллары о, озь Зылха къызынен ве огълусынен Германиягъа тюшти, амма, языкъ ки, къыйын вакъыт олгъаны себебинден вефат этти.

Аджире Даирская , Энвер, Зылха, 1940 с.

 Германия. г. Корбах 1942 с.

         

Эдилерская-Исламова Зылха, 1950 с.

Йыллар кечти. Зылха бир къартбабадан озюне къокъла сатын алды. Бу къокъла, анасы онъа багъышлагъан къокълачыкъкъа  бензей эди. Зылха хатырлавгъа далды, балалыгъы акъылына тюшкен, о вакъыт олар эписи Къырымда яшай эдилер.

        Шимде исе Зылха бита 87 яшында. О, манъа озь балалыкъ акъкъында чокъ тариф эте. Бу битайчыкъ чокъ къыйынлыкълардан кечкен: эм дженк, эм ачлыкъ корьген. Языкъ ки, анасынынъ мезарына дува этип оламай, чюнки анасы Германияда джыйылды. Буны хатырлап, Зылха бита эр вакъыт агълай. 

    Коъкъланы исе Зылха бита манъа багъышлады.                                   Мен исе бу икяени озь балачыкъларыма тариф этерим.

ариф этерим