Моя родословная

Маметов Рефат,

 ученик 6 – Г класса ОШ № 23

Моя родословная

презентация

Меним адым Рефат. Мен 12 яшындам (9.06.1998). Мен Акъмесджит шеэринде , Рождественская сокъагъында, 20 эвде  яшайым. Акъмесджиттеки 23 санлы мектебининъ, 6-Г сыныфта окъуйым. Меним джеб телефонным +380958262052.   Араштырма ишимни Исмаилова Селиме Маремовна оджамызнен азырладым. Озюм эдждатларымнен пек меракъланам.  Эвде олгъан аиле дегерлигимизнинъ тарихлерини апчемден сорайым. Озюм аилемнен пек гъурурланам.

Эр бир аиленинъ киби меним къорантамнынъ да озь тарихы бар. Меним тамырларым  пек зенгин, чюнки о дёрт пытахтан ибарет: Фикрет къартбабам – Озенбашлы, Мурвет къартанам Дерекойлю, Мамут къартбабам Къарасувбазарлы ве Усние апчем Кезлевли. Эр бир пытагъымнен мен меракъланам эм де оларнынъ тарихлерини бильмеге истейим. Оларнен гъыдаланам.

Шимди мен сизни тек бир тамырымнен таныштырмагъа ниетленем. Апчемнинъ тарихыны мен XIX –ынджы асыргъадже билем. Апчемнинъ Мустафа къартбабасы 1874с., Севиля апчеси 1884с., Усеин къартбабасы 1881 с. ве  Зоре апчеси 1888 сенеси. Оларнынъ эписини мен фоторесим ярдымынен ве апчемнинъ икяелерден билем.

 Бугуньки куньгедже бизим аилемизде Зоре апчемнинъ тюсю сакъланып тура. Бу къырымтатар къушагъы. О, пек усталыкънен япылгъан ве бизим миллетимизнинъ усталыгъыны корьсете. Бу къушакъ бизим аилемизде  аньаневий  оларакъ  энъ уйкен къыз торунына кече. Бугуньки куньде оны бериледжек энди алтынджы несили бар. Бу меним татамнынъ къызы, онынъ ады Мерьем. Керек олгъанда онен эр кес къуллана, тюрлю мерасимлерге я да концертлерге такъыла.

Бизде даа Къырымдан  чыкъкъан фырланта да бар. Дуваларгъа баргъанда, апчем Къырымдан чыкъкъан нагъышлы мараманы башына орьте эди. Шимди оны анам буклеп-буклеп сакълап къоя, чюнки, о, пек индже, ава киби енгиль, чокъ вакъыт кечкенинден къолгъа алгъанынен йыртыла.

Апчем бизге мусафирликке кельгенде эр сефер яшайышынен багълы бир парча айтып бере. Оны динълегенде мен озюмни санки о заманларда булунгъанымны ис этем. Усние апчемден мен онынъ Зоре апчеси пек чебер олгъаныны бильдим. О, феслерини индженен нагъышлай экен. Къырымдан чыкъкъан фоторесимлерде, апчемнинъ Капие тизесидир. Онынъ башында апчемнинъ анасы нагъышлагъан феси кийильген. Асыл бу бутюн фоторесимлер меним эдждатларым ким ве недай  олгъаныны косьтере, манъа кечмишимизни бильдирмеге ярдым эте. Къайд этмеге истер эдим ки, бу аиле дегерликлеримизни Къырымдан сюргюн этильгенде меним о заманда он дёрт яшындаки апчем чыкъармагъа чаресини тапты. Аскерлернинъ бириси мераметли адам чыкъкъан экен, апчеме къыйметли шейлерни алмагъа разылыкъны берди.  

Бутюн бу шейлеримизни анам козь-бебеги киби сакълай. Олар меним халкъым киби сюргюнликке барып Ватанымызгъа къайттылар. Бугуньки куньге олар кечмишимизнен бир багъдыр.